తమిళులు

వేల సంవత్సరాల క్రితం, పట్టణీకరణ, వర్తక కార్యకలాపాలతో పశ్చిమ, తూర్పు తీరం వెంబడి, నేటి కేరళ, తమిళనాడు ప్రాంతాల్లో, నాలుగు పెద్ద తమిళ రాజ్యాలు ఏర్పడ్డాయి. ఇవి చోళ సామ్రాజ్యము, చేర సామ్రాజ్యం, పల్లవ సామ్రాజ్యం, పాండియ సామ్రాజ్యం. 3వ శతాబ్దం BCE, 3వ శతాబ్దం AD మధ్య, తమిళ ప్రజలు సంగం సాహిత్యం అనబడు స్థానిక సాహిత్యం ప్రచురించారు. తమిళుల యుద్ధ, మతపర, వర్తక కార్యకలాపాలు వారి స్థానిక సరిహద్దులు దాటి గుర్తింపు చెందాయి. పాండ్యులు, చోళులు చారిత్రకంగా లంకపై ఆధిపత్యం చెలాయించేవారు. చోళ రాజవంశం ఆగ్నేయ ఆసియా యొక్క మలేషియా, దక్షిణ థాయిలాండ్, ఇండోనేషియాలలో భాగాలను విజయవంతంగా ముట్టడించారు. మధ్యయుగ తమిళ వృత్తిసంఘాలు, వాణిజ్య కేంద్రాలు అయిన అయ్యవోలు మఱియు మణిగ్రామం ఆగ్నేయాసియా వాణిజ్యంలో ముఖ్యపాత్ర పోషించాయి.

తమిళ దృశ్య కళ శైలీకృత ఆలయ కట్టడాలలో, రాతి కాంస్య విగ్రహ ఉత్పాదనల్లో కనబడుతుంది. చోళ కాంస్య నటరాజు శిల్పం హిందూమత చిహ్నంగా మారింది. తమిళ ప్రదర్శక కళలు ప్రజాదరణ, సాంప్రదాయ పద్ధతుల్లో విభజించబడ్డాయి. ప్రజాదరణ రూపాలు కూతు అని పిలుస్తారు. దీనిని గ్రామ దేవాలయాలు, వీధి మూలల్లో నిర్వహిస్తారు. అయితే సాంప్రదాయ రూపం భరతనాట్యం. కోలీవుడ్ అని పిలువబడే తమిళ సినిమా, భారతీయ సినిమా పరిశ్రమకు ఒక ముఖ్యమైన భాగం. సంగీతం సాంప్రదాయ కర్ణాటక రూపం, అనేక ప్రముఖ శైలులలో ఉంటుంది.

చాలావరకు తమిళులు హిందువులు. అయితే చాలామంది అపరిమిత గ్రామదేవతలను నమ్ముతూ జానపద మతాలను పాటిస్తారు. పెర్కొన్నదగ్గ సంఖ్యలో క్రైస్తవులు, ముస్లింలు ఉన్నారు. ఒక చిన్న జైన్ సంఘం సంగంకాలం నుండి ఉనికిలో ఉంది. తమిళ వంటకం సాధారణంగా స్థానికంగా అందుబాటులో ఉన్న సుగంధ ద్రవ్యాలు వాడికతో మారుతూ శాకాహారం, మాంసాహార రకాలు ఉన్నాయి. పురాతన దేశ ముక్కువ చూపే సంగీతం, ఆలయప్రాంగణ కట్టడాలు, శిల్ప నిర్మాణం నేటికి ఆదరణలో ఉన్నాయి. ఆధునిక ప్రపంచీకరణ జరుగుతున్నప్పటికీ తమిళుల నమ్మకం, సంస్కృతి, సంగీతం, సాహిత్యంలో గల వారి గత గణనీయ అంశాలు సంరక్షించబడినవి.