వోల్ట్

"వోల్టు" అనే ప్రమాణం విద్యుత్ పొటెన్షియల్ ను కొలుచుటకు వాడుతారు. విద్యుత్ పొటెన్షియల్ అనునది ఒక రకమైన పొటెన్షియల్ శక్తి. ఇది ఒక ఒక వాహకంలో ఒక బిందువు నుండి వేరొక బిందువుకు విద్యుత్ ప్రవాహాన్ని ప్రవహింపజేసే శక్తి.

ఒక ఆంపియర్ విద్యుత్ ప్రవాహాన్ని ఒక వాహకంలో ఒక బిందువు నుండి వేరొక బిందువుకు చేరవేయడానికి కావలసిన శక్తి ఒక వాట్ అయితే ఆ రెండు బిందువుల మధ్య విద్యుత్ పొటెన్షియల్ భేదము ఒక ఓల్టు అవుతుంది.^[2] ఇది రెండు సమాంతర పలకలను అనంతంలో ఒక మీటరు దూరంలో ఉంచినపుడు వాటి మధ్య 1 న్యూటన్/కులూంబ్ విద్యుత్ క్షేత్రం సృష్టించబడితే వాటిమధ్య పొటెన్షియల్ భేదము ఒక ఓల్టుకు సమానమవుతుంది. అదనంగా ఇది ఒక కులూంబ్ విద్యుత్ ఆవేశాన్ని ఒక బిందువు నుండి వేరొక బిందువుకు ఒక వాహకంలో చేరవేయడానికి అవసరమైన శక్తి ఒక జౌల్ అయితే పొటెన్షియల్ భేదము ఒక ఓల్టు అవుతుంది. దీనిని ఎస్.ఐ పద్ధతిలో ఈ క్రింది విధంగా సూచిస్తారు:

${\displaystyle \mathrm {V} ={\frac {\mathrm {potential\,energy} }{\mathrm {charge} }}={\frac {\mathrm {N} \cdot \mathrm {m} }{\mathrm {coulomb} }}={\frac {\mathrm {kg} \cdot \mathrm {m} \cdot \mathrm {m} }{\mathrm {s} ^{2}\cdot \mathrm {A} \cdot \mathrm {s} }}={\frac {\mathrm {kg} \cdot \mathrm {m} ^{2}}{\mathrm {A} \cdot \mathrm {s} ^{3}}}}$

ఇది ఆంపియర్ రెట్లు గల ఓంలు (విద్యుత్ ప్రవాహం రెట్లు నిరోధం ఓం నియమం) గా కూడా నిర్వచింపబడుతుంది. వాట్లు/ఆంపియర్ (ప్రమాణ విద్యుత్ ప్రవాహానికి సామర్థం), జౌల్ నియమం, లేదా జౌల్/కులూంబ్ (ప్రమాణ ఆవేశానికి శక్తి) గా కూడా నిర్వచింపబడుతుంది. ఇది ఎలక్ట్రాన్ ఓల్టు / ఎలెమెంటరీ ఛార్జ్ కు సమానంగా ఉంటుంది:

${\displaystyle \mathrm {V} =\mathrm {A} \cdot \Omega ={\frac {\mathrm {W} }{\mathrm {A} }}={\frac {\mathrm {J} }{\mathrm {C} }}={\frac {\mathrm {eV} }{\mathrm {e} }}}$