2022 குளிர்கால ஒலிம்பிக் விளையாட்டுப் போட்டிகள்

2022 குளிர்கால ஒலிம்பிக்கு (2022 Winter Olympics), அதிகாரபூர்வமாக 24-வது ஒலிம்பிக்கு குளிர்காலப் போட்டிகள் (XXIV Olympic Winter Games) பொதுவாக பெய்ஜிங்கு 2022 (Beijing 2022, 北京2022), என்பது சீனாவில் பெய்ஜிங்கு நகரில் 2022 பெப்ரவரி 4 முதல் பெப்ரவரி 20 வரை நடைபெறும் பன்னாட்டுக் குளிர்கால பல்துறை விளையாட்டுப் போட்டிகள் ஆகும்.^[1]

XXIV Olympic Winter Games

2022 குளிர்கால ஒலிம்பிக்கின் சின்னம்
நடத்தும் நகரம்	பெய்ஜிங், சீனா
குறிக்கோள்	பகிரப்பட்ட எதிர்காலத்திற்காக ஒன்றாக (எளிய சீனம்: 一起向未来; Yīqǐ xiàng wèilái)
பங்குபெறும் நாடுகள்	91
வீரர்கள்	2,871
நிகழ்ச்சிகள்	109 (7 விளையாட்டுகளில்)
துவக்கம்	4 பெப்ரவரி
நிறைவு	20 பெப்ரவரி
திறந்து வைத்தவர்	சீன அரசுத்தலைவர் சீ சின்பிங்
தீச்சுடர் ஏற்றியோர்	தினிகீர் யிலாமுச்சியாங், சாவோ சியாவென்
அரங்கு	பெய்ஜிங் தேசிய விளையாட்டு மைதானம்
குளிர்காலம் ← பியோங்சாங் 2018‍ மிலானோ–கோர்ட்டினா 2026 → கோடைக்காலம் ← தோக்கியோ 2020 பாரிசு 2024 → 2022 Winter Paralympics

2015 ஆம் ஆண்டில் கோலாலம்பூரில் நடைபெற்ற பன்னாட்டு ஒலிம்பிக் குழுவின் 128-வது அமர்வில் பெய்ஜிங்கு நகரம் 2022 குளிர்காலப் போட்டிகளை நடத்துவதற்குத் தெரிவு செய்யப்பட்டது. ஒலிம்பிக்குப் போட்டிகளை நடத்துவதற்கு இந்ந்கரம் இரண்டாவது தடவையாகத் தெரிவு செய்யப்பட்டது. கடைசி மூன்று போட்டிகளும் கிழக்காசியாவில் நடைபெற்றுள்ளன. 2008 கோடை ஒலிம்பிக்குப் போட்டிகளை நடத்திய பெய்ஜிங்கு நகரம், கோடை, குளிர்காலப் போட்டிகளை நடத்திய ஒரேயொரு நகரமும் ஆகும். இப்போட்டிகளை நடத்துவதற்காக சீனா 3.9 பில்லியன் அமெரிக்க டாலர்களைச் செலவிட திட்டமிட்டது.