2019 న్యూజీలాండ్ మసీదు కాల్పులు

న్యూజీలాండ్ మసీదు కాల్పులు 2019 మార్చి 15న న్యూజీలాండ్ డేలైట్ సేవింగ్ కాలమానం ప్రకారం 13:40 నిమిషాలకు (భారత కాలమానం ప్రకారం ఉదయం 6.10 నిమిషాలు) న్యూజీలాండ్లోని క్రైస్ట్ చర్చ్ నగరంలోని అల్ నూర్ మసీదు, లిన్ వుడ్ ఇస్లామిక్ సెంటర్లలో జరిగాయి. ఈ కాల్పుల్లో కనీసం 40 మంది మరణించారని ఖచ్చితంగా తెలుస్తోంది.^[1] అనేక కారు బాంబులు ఉన్నట్టు, వాటిని పట్టుకుని విజయవంతంగా డిఫ్యూజ్ చేసినట్టు పోలీసులు నిర్ధారించారు.^[4] 1997 రౌరిము ఊచకోత తర్వాత న్యూజీలాండ్ లో ఇంతటి భారీ కాల్పుల ఘటన మళ్ళీ ఇదే.^[5][6][7] నలుగురు కలిసి ఈ దాడుల్లో పాల్గొన్నట్టు అంచనా వేస్తున్నారు. వారిలో 28-సంవత్సరాల ఆస్ట్రేలియన్ అయిన బ్రెంటాన్ టరాంట్ ఉన్నాడు. అతని తుపాకుల మీద, ఇంటర్నెట్ పోస్టుల్లోనూ నియో-నాజీ గుర్తులు, శ్వేత జాతి ఆధిక్య భావనకు చెందిన నినాదాలు రాసుకున్నాడు.^[8][9] న్యూజీలాండ్ హెరాల్డ్ ప్రకారం దుండగుడు రాసుకున్న మేనిఫెస్టోలో వలసవాద వ్యతిరేక విధానానికి సంబంధించిన అంశాలున్నాయి.^[10]

2019 న్యూజీలాండ్ మసీదు కాల్పులు
అల్ నూర్ మసీదు, 2006
అల్ నూర్ మసీదు, లిన్ వుడ్ ఇస్లామిక్ కేంద్రాల లొకేషన్
ప్రదేశం	క్రైస్ట్ చర్చ్ నగరం, న్యూజీలాండ్
భౌగోళికాంశాలు	43°31′58″S 172°36′42″E / 43.5329°S 172.6118°E / -43.5329; 172.6118
తేదీ	2019 మార్చి 15 13:40 (న్యూజీలాండ్ డేలైట్ సేవింగ్ కాలమానం)
దాడి రకం	సామూహిక కాల్పులు
మరణాలు	40+[1]
ప్రాణాపాయ గాయాలు	50+[2]
Suspected perpetrators	4 [3][4]