Den afrikanske unionen

Den afrikanske unionen

Offisielle språk	Arabisk, engelsk, fransk, portugisisk, spansk, swahili (også alle andre språk i Afrika)
Leiar for Den afrikanske unionen	Mohamed Ould Ghazouani
Areal  – Totalt	29,797,500 km2
Grunnlagd Som OAU  – Ikraftsett Som AU  – Ikraftsetting	– 25. mai 1963  – 9. juli 2002
Tidssone	UTC -1 til +4
Nasjonalsong	«Let Us All Unite and Celebrate Together»
Toppdomene	Ikkje standardisert.

Den afrikanske unionen (AU) er ein samarbeidsorganisasjon for statane i Afrika og vart danna 9. juli 2002 i Durban i Sør-Afrika. AU etterfølgjer den tidlegare samarbeidsorganisasjonen Organisasjonen for afrikansk einskap (OAU) og har som mål å verta ein meir langtgåande politisk og økonomisk eining enn denne. AU skal fremje demokrati, menneskerettar og utvikling i Afrika. Den fyrste leiaren i organisasjonen var Sør-Afrika sin president Thabo Mbeki. Tanken om ein afrikansk union vart til av Libya sin leiar Muammar al-Gaddafi i 1999. Han vert rekna som hovudarkitekten bak unionsprosjektet.

AU har forlate OAU sitt prinsipp om ikkje-innblanding i statane og skal saman danne ein felles fredsstyrke. Den endra politikken har mellom anna resultert i militært nærvær i Darfur i Sudan og Komorane.

Medlemmar

Den afrikanske unionen har 55 medlemmar som omfattar nesten heile det afrikanske kontinentet. Marokko valde lenge å stå utanfor, fordi Vest-Sahara, som det gjer krav på, er medlem. Den 30. januar 2017 kom Marrokko likevel inn som medlem.^[1]

På grunn av militærkupp, har følgjande land vorte mellombels suspenderte frå unionen: Burkina Faso, Gabon, Guinea, Mali, Niger og Sudan.