Koronavirus
 | Artikel ieu keur dikeureuyeuh, punten tong waka diédit atawa dirobah eusina. |
Coronavirus nyaéta golongan virus anu nyababkeun sasalad ka mamalia jeung manuk. Di manusa, ieu virus ngabalukarkeun inféksi engapan, kaasup salésma anu biasana énténg, nepi ka wangun anu jarang kayaning SARS, MERS, jeung COVID-19 anu bisa matak parna nepi ka maotna. Gejalana béda-béda di rupa-rupa spésiés: di hayam ngabalukarkeun panyakit réspiratori luhur, anapon di sapi jeung céléng ngabalukarkeun muncrut. Nepi ka kiwari, can aya vaksin atawa ubar antivirus pikeun natambaan manusa alatan ieu sasalad.
| Orthocoronavirinae | |
|---|---|
 | |
| Mikrograp éléktron virion virus bronhitis inféksius | |
 | |
| Gambaran virion 2019-nCoV | |
Klasifikasi virus  | |
| (unranked): | Virus |
| Realm: | Riboviria |
| Filum: | incertae sedis |
| Ordo: | Nidovirales |
| Kulawarga: | Coronaviridae |
| Subfamili: | Orthocoronavirinae |
| Genera[1] | |
| |
| Sinonim[2][3] | |
| |
Coronavirus kaasup subkulawarga Orthocoronavirinae dina kulawarga Coronaviridae, dina ordo Nidovirales. [4] [5] Coronavirus téh virus amplopan nu boga génom RNA utas-tunggal sénse-positip sarta nukléokapsid simétri héliks. Ukuran génom coronavirus antara 26 nepi ka 32 kilobasa, panggedéna pikeun virus RNA.
Pamanggihan
Golongan Coronavirus anu pertama kali dipanggihkeun di taun 1965 ku Tyrell sareng Bynoe mangrupa virus B814[6]. Partikel virus anu dipanggihkeun ieu miboga ciri saperti ukuran diantara 80-150 mm, pleiomorfik ditutup ku membran, jeung boga permukaan nangtung sapertos pentung. Ilmuwan sejen manggihan sabaabaraha virus anu miboga ciri sarua jeung B814, sapertos bronkitis, hepatitis dina beurit, jeung virus gastroentritis tina babi. Ahirna, sababaraha virus ieu digolongkeun ka golongan Coronavirus[6].
Di taun taun salajengna, sababaraha virus diasupkeun kana golongan Coronavirus, sapertos virus SARS-Cov di taun 2002-2003, HCoV NL63 taun 2004, HKU1 di taun 2005, MERS-CoV di taun 2012, sareng virus SARS-CoV-2 anu kakara dipangihkeun di taun 2019. Sadaya virus ieu nyebabkeun infeksi saluran pernapasan anu parah.
Etimologi jeung Morfologi
Ngaran "coronavirus" asalna tina Basa Latin corona, hartina makuta atawa halo, anu nujul kana ciri partikel virusna (virion). Bagean nunjul partikelna disebat spike protein (S) anu gaduh iketan jeung reseptor angiotensin-converting enzyme 2 (ACE2). Iketan diantara ACE2 jeung S ngamediasikeun interaksi virus jeung inangna[7].
Umumna, Coronavirus bentukna buleud pleiomorfik anu di sabudeureun permukaanna aya protéin anu nunjul[8]. Diaméter ti virus ieu kira-kira 120 nm[9].
Bagian envelope tina virus ieu disusun ti lapisan lipid ganda anu diwangun ku membran (M), envelope (E), dan spike (S). Sababaraha virus korona, hususna betacoronavirus subgrup A boga tunjulan anu leuwih pendek, anu dinamakeun hemaglutinin esterase (HE)[10]. Di jero envelope aya nukleokapsid anu diwangun ku salinan protein nukleokapsid (N), anu ngiket kana genom positive-sense single-stranded RNA dina bentukan konformasi beads-on-a-string[11][12].
Taksonomi
Ngaran ilmiah coronavirus nyaéta Orthocoronavirinae atawa Coronavirinae. Coronavirus kaasup ka famili Coronaviridae. Coronavirus dibagi jadi opat génus[13][14]:
- Génus Alphacoronavirus
- Spésiés: Human coronavirus 229E, Human coronavirus NL64, Miniopterus bat coronavirus, Minopterus bat coronavirus HKU8, Porcine epidemic diarrhea virus, Rhinophus bat coronavirus HKU2, Scotophilus bat coronavirus 512
- Génus Betacoronavirus
- Spésiés: Betacoronavirus 1, Human coronavirus HKU1, Murine coronavirus, Pipistrellus bat coronavirus KHU5, Rousetus bat coronavirus HKU9, Severe Acute Respiratory Syndrome-related coronavirus, Severe Acute Respiratory Syndrome coronavirus 2, Tylonycteris bat coronavirus HKU4, Severe Acute Respiratory Syndrome-related coronavirus, Human coronavirus OC43, Hedgehog coronavirus 1
- Génus Gammacoronavirus
- Spésiés: Beluga whale coronavirus SW1, Virus infeksi bronkitis
- Génus Deltacoronavirus
- Spésiés: Bulbul Coronavirus HKU11, Coronavirus babi HKU15
Transmisi
Umumna, virus korona nyebar ti jalma anu ngalakukeun kontak jeung jalma lain dina jarak kurang ti 6 kaki (1,82 méter) liwat tetesan cai ngandung virus anu dihasilkeun tina beresin atawa batuk[15]. Iketan antara protein ti virus jeung reseptor anu aya di jero sél jalmi ningkatkeun keparahan ti infeksi virus ieu[16]. Salah sahiji contona nyaéta virus SARS anu ngiket protein ACE2 di jero sél jalmi[17].
Rujukan
Tutumbu kaluar
| Klasipikasi |
|
|---|
 | Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
_2020.svg){kind=link}
