దేశాల జాబితా – జిడిపి(పిపిపి) క్రమంలో

కొనుగోలు శక్తి సమతులన ఆధారంగా వివిధ దేశాల స్థూల దేశీయ ఆదాయం - List of countries by GDP (PPP)- ఈ జాబితాలో ఇవ్వబడింది.

స్థూల దేశీయ ఉత్పత్తి లేదా జి.డి.పి.(Gross Domestic Product) - అంటే ఒక దేశంలో ఉత్పన్నమయ్యే మొత్తం వస్తువుల, సేవల మొత్తం విలువ. దీనిని లెక్కించడంలో రెండు సాధారణ పద్ధతులు వాడుతారు.

• నామినల్ జి.డి.పి (మారకమ్ ఆధారిత విలువ)- ఈ లెక్కలో అంతర్జాతీయ కరెన్సీ మారకం విలువ ఆధారంగా జిడిపి లెక్కించబడుతుంది. అయితే దీనివలన ఒక దేశంలో ప్రజల జీవన ప్రమాణాలు సరిగా తెలుస్తాయనుకోవడానకి కుదరదు. ఎందుకంటే ఒకదేశంలో ఒక డాలర్‌తో లభించే వస్తువు (లేదా సౌకర్యం, సేవ) మరొక దేశంలో అంతకు బాగా ఎక్కువ గాని, తక్కువ గాని కావచ్చును.
• పి.పి.పి. జి.డి.పి. (కొనుగోలు శక్తి ఆధారిత విలువ)- Purchasing Power Parity based Gross Domestic Product - ఈ విధానంలో ఆయా దేశాలలో ఒక యూనిట్ కరెన్సీకి గల కొనుగోలు శక్తిని, ద్రవ్యోల్బణాన్ని పరిగణనలోకి తీసుకొంటారు. ఆయా దేశాలలో జీవన ప్రమాణాలను పోల్చడానికి పిపిపి ఆధారిత జిడిపి సరైన సూచిక అని భావిస్తారు.

ఒక్కో సందర్భంలో ఒక్కో సూచిక ఉపయోగం ఎక్కువగా ఉంటుంది. కాలక్రమంలో దేశాల ఆర్థిక స్థితులు ద్రవ్య మారకం రేట్లకు అనుగుణంగా మారుతూ ఉంటాయి. ఉన్నత సాంకేతిక వస్తువులు, ముడి సరకులు, ఆయిల్, ఎగుమతులు, దిగుమతులు వంటి వాటి ధరలు అంతర్జాతీయ ద్రవ్య లావాదేవీలచే ప్రభావితం అవుతాయి గనుక వాటి విషయంలో నామినల్ జిడిపి సరైన సూచిక. అయితే ప్రజల జీవన ప్రమాణాలు కొలవడానికి పిపిపి జిడిపి అనువైనది. సబ్సిడీలు, స్మగ్లింగ్ వంటి అంశాలు కూడా పిపిపి జిడిపిని అధికంగా ప్రభావితం చేస్తాయి.

క్రింద ఇవ్వబడిన మూడు జాబితాలలో ఈ వివరాలున్నాయి.

• మొదటి జాబితా: అంతర్జాతీయ ద్రవ్య నిధి లోని 185 సభ్యలకు, 179 దేశాల (లేదా భూభాగాల)కు చెందిన 2005 వివరాలు. ప్రపంచం, యూరోపియన్ యూనియన్, హాంగ్‌కాంగ్లు ఈ జాబితాలో చేర్చినా వాటికి ర్యాంకులు ఇవ్వలేదు..

• రెండవ జాబితా: ప్రపంచ బ్యాంకు వివరాలపై ఆధారపడినది. ఇందులో 162 దేశాలు, యూరోపియన్ యూనియన్,, ప్రపంచం వివరాలు, 2005 గణాంకాల అనుసారం ఉన్నాయి.

• మూడవ జాబితా: సి.ఐ.ఎ. World Factbook వారి ఏప్రిల్ 2006 వివరాల ప్రకారం. 1993- 2006 మధ్యకాలంలో వివరాలు పరిగణించబడ్డాయి.