Sociedad Deportiva de Remo Castreña

Sociedad Deportiva de Remo Castreña
Sorrera	1879 (S.D.R. Castro Urdiales) 2005 (S.D.R. Castreña)
Herria	Castro Urdiales, Kantabria
Lehendakaria	Fernando Ruiz
Entrenatzailea	Jose Angel Vazquez
Patroia(k)	Mikel García Markel Lujua
Kolorea(k)	gorria
Trainerua	La Marinera
Palmaresa	4 Kontxako Bandera 1 TKE Liga 2 Euskal Liga 1 Espainiako Txapelketa 11 Kantabriako Txapelketa
2023: Kontxa	ez
2023	12.a (KAE 1 Liga)
Webgunea	www.lamarinera.org

Sociedad Deportiva de Remo Castreña (euskaraz Arraun Kirol Elkarte Castrotarra) Castro Urdialesko (Kantabria, Espainia) arraun taldea da. 2013 arte Sociedad Deportiva de Remo Castro Urdiales izenarekin TKE Ligan aritu zen baina arazo ekonomikoen erruz taldea desagertu, bigarren taldearen izena hartu eta bi urtetan jarraian maila galdu zuen.

Historiaaldatu iturburu kodea

Lehenengo estropadakaldatu iturburu kodea

Lehendabiziko garaipen ospetsua 1861eko ekainaren 23an lortu zuen Santanderren, non Isabel II.a erreginaren aurrean zenbait talde kantabriar eta bizkaitar gainditu zituen. Gerra Zibilaren aurretik Santanderren jokaturiko estropadetan sarritan aritu zen, garaipenik lortu ez bazuen ere. Emaitzarik onena 1933ko bigarren postua da, garai hartan erabat nagusi zen Pedreñaren atzetik.

Lehen aro honetako amaiera 1950ean jar dezakegu. urte hartan Castron bertan jokatu zen Espainiako Traineru Txapelketa irabazi zuen, baina arraunlari batzuen lizentziatan izandako akatsengatik txapelketa baliorik gabe gelditu zen.

Aipatzekoak izan ziren 1949an trainerillatan Zierbenarekin izan zituen lehia estuak. Castrok Espainiako Txapelketa irabazi zuen eta Zierbenak errebantxa gisa antolaturiko Kantauriko Txapelketa. Hirugarren estropada bat antolatu zen Deustun garaile nagusia nor zen erabakitzeko baina bidean Castroko arraunlariek istripua izan zuten eta jokatu gabe gelditu zen estropada.

70 eta 80 hamarkadakaldatu iturburu kodea

1966 urtean Sociedad Deportiva de Remo Castro Urdiales sortu zen eta hasierako urteetan batel eta trainerilletan aritu zen. 1968an Espainiako batel txapelketa antolatu zuen eta elkarteko batelek lortu zituzten lehen eta bigarren postuak. Trainerilletan hirugarren egin zuen 1968 eta 1969an.

1973an etxeko bandera jokatzen hasi zen eta bertan hartu zuen parte Castroko traineruak, 23 urtetako lehorraldiaren ondoren. Ordutik aro bikain bat hasi zuen, 1974 eta 1984 artean urtero Kontxako Banderarako sailkatu zelarik. Emaitzarik onena 1975ean eskuratu zuen, bigarren postua hain zuzen ere. Urte horietan 7 aldiz izan zen Kantabriako txapeldun eta Kantabrian jokaturiko estropada ugari ere irabazi zituen.

Urte haietan estropada ugari antolatu zituen gainera, Castro Urdialesko Banderaz gain, Portus Amanus Saria eta Gurutze Gorriaren Bandera ere bai.

XXI mendeaaldatu iturburu kodea

Hamar bat urte makal aritu ondoren 90. hamarkadaren bukaeran Jose Luis Korta fitxatu eta gora egiten hasi zen. 2001 eta 2002ko Traineruen Euskal Ligak irabazteraino. TKE Liga eratu denetik lehen mailan aritu izan da beti eta 2009an liga irabazi zuen.

Hamarkada bikaina osatu du, izan ere Kontxako lau Bandera eta Espainiako Txapelketa bat irabazi baititu, beste garaipen askoren artean.

Desagerpena eta jeitsieraaldatu iturburu kodea

2013 urte hasieran ordea diru arazo larriak izan zituen eta epaitegietan aritu ondoren Kontxako Banderak enbargatu egin zizkioten. TKE Ligako abalari aurre egiteko modurik ez eta bigarren taldearen izenarekin aritu zen denboraldi horretan, Traineruen Kluben Elkarteko batzordeak horrela onartuta. Diru gabeziaren erruz ordea fitxaketarik ezin izan zuen egin eta aurreko urtean KAE 2. mailan zeuden harrobiko arraunlariekin osatu zuen trainerua. Honen ondorioz 12. postuan gelditu eta maila galdu zuen.

2014 denboraldirako Sestaoko Iberia Arraun Elkartearekin akordioa lortu zuen. Bien arteko baturari esker bi traineru uretaratu zituzten KAE Ligan. Lehen mailan Castreña izenarekin aritu ziren eta bigarren mailan Castro-Iberia izenarekin. Emaitzak oso txarrak izan ziren eta taldea KAE Ligako azken postuan geldituz maila galdu zuen. Hurrengo urteetan KAE 1 eta 2 maila artean ibili da igo eta jeitsi.

Palmaresaaldatu iturburu kodea

Kontxako Banderaaldatu iturburu kodea

• Txapelduna (4): 2001, 2002, 2006 eta 2008.
• Bigarrena (2): 1975 eta 2009.
• Hirugarrena (0)
• Sailkapen estropadako irabazlea (2): 2005 eta 2006.
• Sailkatua (21): 1974, 1975, 1976, 1977, 1978, 1979, 1980, 1981, 1982, 1983, 1984, 1999, 2001, 2002, 2003, 2004, 2005, 2006, 2007, 2008 eta 2009.

TKE Ligaaldatu iturburu kodea

• Txapelduna (1): 2009
• Bigarrena (2): 2006 eta 2008
• Hirugarrena (1): 2005
• Irabazitako estropadak (2021 barne): 32
• Parte harzteak (11): 2003, 2004, 2005, 2006, 2007, 2008, 2009, 2010, 2011, 2012, 2013
• Euskal Liga (2): 2001 eta 2002.
• KAE Ligako 2. maila (2): 2007 (Castro-B) eta 2020.

Espainiako Traineru Txapelketaaldatu iturburu kodea

• Txapelduna (1): 2001.
• Bigarrena (2): 2005 eta 2010.

Kantabriako Traineru Txapelketaaldatu iturburu kodea

• Txapelduna (11): 1974, 1975, 1977, 1980, 1981, 1982, 1984, 1990, 2001, 2002 eta 2010.

Estropada zaharrakaldatu iturburu kodea

• Santanderko estropada zaharrak (2): 1861 eta 1939.

Aro modernoko estropadakaldatu iturburu kodea

Trainerillakaldatu iturburu kodea

• Espainiako Txapelketa (3): 1949, 2008 eta 2009.

Batelakaldatu iturburu kodea

• Espainiako Txapelketa (4): 1944, 1968, 2008 eta 2009.

Azken denboraldiakaldatu iturburu kodea

Antolaturiko estropadakaldatu iturburu kodea

Castro Urdialesek hainbat estropada antolatzen ditu herrian:

• Portus Amanus Saria (1971-1984)
• Gurutze Gorriaren Bandera (1979-1984)
• Castro Urdialesko Bandera (1973tik aurrera)
• Flaviobriga Bandera (1998-2014)
• S.D.R. Castro Urdialesen Bandera (denboraldi-aurrean)

B traineruaaldatu iturburu kodea

Sociedad Deportiva de Remo Castreña
Herria	Castro Urdiales, Kantabria
Lehendakaria	Antonio De Diego
Entrenatzailea	Manolo Gutiérrez
Patroia(k)
Kolorea(k)	gorria
Trainerua	La Marinera
Palmaresa	0 KAE Liga 1
2023: Kontxa	ez
2022: Liga	8.a (KAE 2 Ligan)
2023	KAE 2 Ligan

Urte batzutan bigarren trainerua ateratzeko beste arraunlari izan ditu. Sociedad Deportiva de Remo Castreña izan zuen. Bigarren traineru honek KAE Ligako bigarren maila irabazi zuen 2007an. 2013an SDR Castro Urdiales elkartea desegin zenean SDR Castreña izena hartu zuen.

Ligak:

• KAE 1 maila (0): Zortzigarrena 2008an.
• KAE 2 maila (1): 2007.

Banderak:

• Hibaikaren Bandera (1): 2007.
• Memorial Ibánez (Castro urdiales) (1): 2007.
• Areetako Bandera (1): 2007.
• Portugaleteko Bandera (1): 2007.
• Hernaniko Bandera (1): 2007.
• Hondarribiko Promozio estropada (1): 2007.

Azken denboraldiakaldatu iturburu kodea

Emakumezkoen traineruaaldatu iturburu kodea

S.D.R. Castreña
Entrenatzailea	Natalia Díaz
Patroia(k)	Eneritz Diez
Kolorea(k)	gorria
Trainerua	La Marinera
Palmaresa	0 Kontxako Bandera 0 Euskotren Liga 0 Euskadiko Txapelketa
2023: Kontxa	ez
2022: Liga	8.a (ETE Liga)
2023	ETE Ligan

2017an emakumezkoen trainerua atera zuen eta Gipuzkoako Ligan hartu zuen parte. Ez zuen jarraipenik izan. 2020an Kantabriako estropada pare batean aritu zen eta 2021ean berriz osatu du trainerua eta ETE Ligan arituko da.

• Hipercor Bandera (1): 2017.
• S.D.R. Castro Urdialesen Bandera (1): 2020.
• Sotileza Bandera (2): 2020, 2022.

Denboraldiakaldatu iturburu kodea

Bibliografiaaldatu iturburu kodea

• Linares Argüelles, Mariano; Pindado Uslé, Jesús; Aedo Pérez, Carlos. Gran enciclopedia de Cantabria. Cantabria Argitaletxea. 1985. ISBN 84-86420-00-8 ISBN 84-86420-02-4
• Historia del Remo Castreño: Castro Urdiales 1854-2002, Sociedad Deportiva Remo Castro Urdiales, 2004, Urdialaitz, ISBN 84-609-1381-3

Kanpo estekakaldatu iturburu kodea