Թայլորը ծնվել է Ֆիլադելֆիայում Ջոզեֆ Հուտոն Թայլոր Ավագի և Սիլվիա Էվանս Թայլորի ընտանիքում, որոնք երկուսն էլ ունեցել են արմատներ Նյու Ջերսիից և մեծացել են Սինամինսոն Թաունշիփ քաղաքում։ Նա հաճախել է Մուրեսթոունի Ընկերների դպրոցը Մուրեսթոուն Թաունշիթում, որտեղ նա գերազանց սովորում էր մաթեմատիկա[12]։ 1963 թվականին Հեյվրֆորդ քոլեջում նա ստացել է արվեստների բակալավր աստիճան ֆիզիկայի բնագավառում, իսկ 1968 թվականին Հարվարդի համալսարանում գիտությունների դոկտորի աստիճան աստղագիտության բնագավառում։ Հարվարդում կարճ ժամանակով վերլուծաբան աշխատելուց հետո, Թայլորը գնաց Մասսաչուսեթսի Ամհերսթի համալսարան, ի վերջո դառնալով աստղագիտության պրոֆեսոր և Հինգ աստղագիտության աստղադիտարանների քոլեջի տնօրեն։ Թայլորի թեզը նվիրված էր լուսնային չափումների հայտնագործմանը։ Այդ ժամանակ , երբ նա ավարտեց իր ուսումը և ստացավ գիտությունների դոկտոր աստիճանը, Ջոսելին Բելլ Բեռնելը աստղադիտակով Քեմբրիջում հայտնագործեց առաջին ռադիո ազդակը։