Olimpiese Somerspele 1996

Spele van die XXVIe Olimpiade

Gehou in	Atlanta, Verenigde State
Deelnemende lande	197 Nasionale Olimpiese Komitees
Deelnemende atlete	10 318 (6 806 mans, 3 512 vroue)^[1]
Items	271 in 26 sporte^[2]
Openingseremonie	19 Julie 1996
Sluitingseremonie	4 Augustus 1996
Amptelik geopen deur	President Bill Clinton^[3]
Atlete-eed	Teresa Edwards (basketbal)
Beampte-eed	Hobie Billingsly (sierduik)
Olimpiese vlam	Muhammad Ali (boks)
Vorige Spele	1992: Barcelona (Spanje)
Volgende Spele	2000: Sydney (Australië)

Die Olimpiese Somerspele 1996 (Engels: 1996 Summer Olympics), amptelik bekend as die Spele van die XXVIste Olimpiade, is tussen 19 Julie en 4 Augustus 1996 in Atlanta, Verenigde State, aangebied. Hierdie spele staan ook bekend as die Centennial Games vanweë die feit dat dit presies een eeu na die eerste moderne Spele in Griekeland plaasgevind het.

Atlanta is op 18 September 1990 deur die Internasionale Olimpiese Komitee (IOK) gekies met 51 teen 35 stemme in die laaste ronde. Die beslissing van die Internasionale Olimpiese Komitee om die Spele aan Atlanta toe te wys was verrassend. Die redenasie was dat Athene nie genoeg tyd sou hê om die infrastruktuur vir die Spele in plek te kry nie. Later word beweer dat enkele IOK-lede omgekoop was, maar dit kon nooit bewys word nie. Tydens en na die Spele word egter vasgestel dat die organiserende komitee van Atlanta nie die volle waarheid oor die vervoernetwerk, die hitte en die vogtigheid in Augustus, en oor die hoë misdaadsyfer van die stad vertel het nie.

Die opening- en sluitingseremonies het in die Olimpiese Stadion van Atlanta plaasgevind. Soos gebruiklik het die lande in alfabetiese volgorde die stadion ingestap met Griekeland die eerste en die gasheer die Verenigde State die laaste, maar aangesien die plaaslike taal Engels is, is dié taal se alfabet gebruik om die volgorde te bepaal. Masibulele Makepula, bokser en goudmedaljewenner tydens die Afrikaspele van 1995, het die Suid-Afrikaanse vlag ingedra.

Oor die algemeen word die Spele as minder suksesvol gesien. Die vervoer tussen die verskillende Olimpiese items het soms vir ure in verkeersknope vasgesit. Die Spele was ook deur vele as "te kommersieel" bestempel, maar finansieel was dit wel 'n sukses. Dit is onder meer te danke aan die hoofborgskap van Coca-Cola, wie se hoofkantoor in Atlanta is.

Die Paralimpiese Somerspele 1996 is tussen 16 en 25 Augustus in Atlanta gehou.

Toewysing

William Porter Payne, president van die Amerikaanse reëlingskomitee

Atlanta is op 18 September 1990 in Tokio deur die Internasionale Olimpiese Komitee gekies as die gasheer vir die Olimpiese Somerspele in 1996. Ander kandidate was: Athene, Toronto, Melbourne, Manchester en Belgrado.

Die stemming het as volg verloop:

Stemming vir gasheer van die Olimpiese Somerspele 1996^[4]
Stad	Land	Rondte 1	Rondte 2	Rondte 3	Rondte 4	Rondte 5
Atlanta	Verenigde State	19	20	26	34	51
Athene	Griekeland	23	23	26	30	35
Toronto	Kanada	14	17	18	22	—
Melbourne	Australië	12	21	16	—	—
Manchester	Verenigde Koninkryk	11	5	—	—	—
Belgrado	Joego-Slawië	7	—	—	—	—

Sporte

26 Olimpiese sportsoorte in 271 dissiplines is tydens die Spele beoefen. Tydens die Spele is 271 goue medaljes oorhandig.

Atletiek (44)
Basketbal (2)
Bofbal (1)
Boks (12)
Boogskiet (4)
Fietsry
- Baan (8)
- Bergfietsry (2)
- Pad (4)
Gewigoptel (10)
Gimnastiek
- Artistiek (14)
- Ritmies (2)
Handbal (2)
Judo (14)
Kanovaart
- Slalom (12)
- Snel (4)
Moderne vyfkamp (1)
Pluimbal (5)
Roei (14)
Ruitersport
- Dressuur (2)
- Driefasekompetisie (2)
- Spring (2)
Sagtebal (1)
Seilvaart (10)
Skermsport (10)
Skyfskiet (15)
Sokker (2)
Stoei
- Grieks-Romeins (10)
- Vrystyl (10)
Tafeltennis (4)
Tennis (4)
Veldhokkie (2)
Vlugbal
- Vlugbal (2)
- Strandvlugbal (2)
Watersport
- Gesinchroniseerde swem (1)
- Sierduik (4)
- Swem (32)
- Waterpolo (1)

Stadions

28 sportplekke is tydens die Olimpiese Somerspele 1996 gebruik:

Olimpiese kring

In die Georgia Dome is basketbal, gimnastiek en handbal aangebied

Stadion	Sporte	Kapasiteit
Alexander Memorial Coliseum	Boks	10 000
Atlanta–Fulton County stadion	Bofbal	54 000
Clark Atlanta Universiteitstadion	Veldhokkie	5 000
Fietsrypadbaan	Fietsry (pad)	800
Georgia Dome	Basketbal (eindstryd), Gimnastiek (artistiek), Handbal (mans se eindstryd)	34 500 (aan elke kant)
Georgia State Universiteitsgimnasium	Pluimbal	3 500
Georgia Tech Watersportsentrum	Sierduik, Moderne vyfkamp (swem), Swem, Gesinchroniseerde swem, Waterpolo	15 000
Georgia Wêreldkongressentrum	Skermsport, Handbal, Judo, Moderne vyfkamp (skermsport, skietsport), Tafeltennis, Gewigoptel, Stoei	3 900 (skermsport) 7 300 (handbal) 7 300 (judo) 4 700 (tafeltennis) 5 000 (gewigoptel) 7 300 (stoei)
Strate van Atlanta	Atletiek (maraton)	800
Morehouse Kollege Gimnasium	Basketbal	6 500
Morris Brown Kollegestadion	Veldhokkie (eindstryd)	15 000
Olimpiese Stadion Atlanta	Atletiek, seremonies (opening/sluiting)	85 600
Omni Coliseum	Vlugbal (binnenshuise finale)	16 500
Loopkursus	Atletiek (loop)	800

Metro Atlanta

Stadion	Sporte	Kapasiteit
Atlanta Beach	Vlugbal (strand)	12 600
Georgia International Horse Park	Fietsry (bergfiets), Ruitersport, Moderne vyfkamp (perdry, hardloop)	32 000
Laniermeer	Kanovaart (sprint), Roei	17 300
Stone Mountain Park Archery Center and Velodrome	Boogskiet, Fietsry (baan)	5 200 (boogskiet) 6 000 (fietsry)
Stone Mountain Tennis Center	Tennis	27 500
Wolf Creek Skietbaan	Skyfskiet	7 500

Ander sportplekke

Stadion	Ligging	Sporte	Kapasiteit
Florida Citrus Bowl	Orlando, Florida	Sokker	65 000
Golden Park	Columbus, Georgia	Sagtebal	8 800
Legion Field	Birmingham, Alabama	Sokker	81 700
Ocoee Whitewater Center	Ducktown, Tennessee	Kanovaart (slalom)	14 400
Orange Bowl	Miami, Florida	Sokker	74 476
Robert F. Kennedy Memorial Stadium	Washington, D.C.	Sokker	56 500
Sanfordstadion	Athens, Georgia	Sokker (eindstryd)	86 100
Stegeman Coliseum	Athens, Georgia	Gimnastiek (ritmies), Vlugbal (binnenshuise)	10 000
Wassaw Sound	Savannah, Georgia	Seilvaart	1 000

Kalender

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die getal medaljeparades wat die dag gehou is.

OS	Openingseremonie	●	Wedstryde	1	Wedstryde met medaljes	SS	Sluitingseremonie

Datum	Julie													Augustus
Datum	19 Vr	20 Sa	21 So	22 Ma	23 Di	24 Wo	25 Do	26 Vr	27 Sa	28 So	29 Ma	30 Di	31 Wo	1 Do	2 Vr	3 Sa	4 So
Atletiek								2	4	5	8	●	5	4	6	9	1
Basketbal		●	●	●	●	●	●	●	●	●	●	●	●	●	1	●	1
Bofbal		●	●	●	●	●	●		●	●	●	●		●	1
Boks		●	●	●	●	●	●	●	●	●		●	●	●	●	7	5
Boogskiet										●	●	●	1	1	2
Fietsry			1			1	●	1	2	4		2	1			2
Gesinchroniseerde swem												●			1
Gewigoptel		1	1	1	1	1		1	1	1	1	1
Gimnastiek		●	●	1	1	1	1			3	7			●	1	●	1
Handbal						●	●	●	●	●	●	●	●	●	●	1	1
Judo		2	2	2	2	2	2	2
Kanovaart									2	2	●	●	●	●	●	5	7
Moderne vyfkamp												1
Pluimbal						●	●	●	●	●	●	●	2	3
Roei			●	●	●	●	●	●	7	7
Ruitersport					●		●	2	1		●	●	●	1		1	1
Sagtebal		●	●	●	●	●	●	●	●		●	1
Seilvaart				●	●	●	●	●	●	●	4	1	2	2	1
Sierduik								●	1	●	1	●	1	●	1
Skermsport		1	2	2	1	2	1
Skyfskiet		2	2	1	2	3	1	3	1
Sokker		●	●	●	●	●	●		●	●		●	●	1	●	1
Stoei	●	6	●	4							●	3	2	3	2
Swem		4	5	6	3	5	5	4
Tafeltennis					●	●	●	●	●	●	1	1	1	1
Tennis					●	●	●	●	●	●	●	●	●	●	2	2
Veldhokkie		●	●	●	●	●	●	●	●	●	●	●	1	1
Vlugbal		●	●	●	●	●	●	●	1	1	●	●	●	●	●	1	1
Waterpolo		●	●	●	●	●		●	●	1
Totaal	0	16	13	17	10	15	10	15	20	24	22	10	16	17	19	29	18
Seremonies	OS																SS
Datum	19 Vr	20 Sa	21 So	22 Ma	23 Di	24 Wo	25 Do	26 Vr	27 Sa	28 So	29 Ma	30 Di	31 Wo	1 Do	2 Vr	3 Sa	4 So
Datum	Julie													Augustus

Deelnemende nasies

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

Suid-Afrikaanse deelname

Die hoofartikel vir hierdie afdeling is: Suid-Afrika op die Olimpiese Spele.

Suid-Afrika wen drie goue medaljes, asook een silwer en een brons.

Penny Heyns wen twee goue medaljes in die 100 m en 200 m-borsslagitems.
Josia Thugwane wen die goue medalje in die maraton vir mans.
Hezekiél Sepeng wen silwer in die 800 meter-naelloop vir mans.
Marianne Kriel wen brons in die 100 meter-rugslag vir vroue.

Getal medaljes

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State (USA)	646	44	32	25	101
2	Rusland (RUS)	390	26	21	16	63
3	Duitsland (GER)	465	20	18	27	65
4	Volksrepubliek China (CHN)	294	16	22	12	50
5	Frankryk (FRA)	299	15	7	15	37
6	Italië (ITA)	346	13	10	12	35
7	Australië (AUS)	424	9	9	23	41
8	Kuba (CUB)	164	9	8	8	25
9	Oekraïne (UKR)	231	9	2	12	23
10	Suid-Korea (KOR)	300	7	15	5	27
27	Suid-Afrika (RSA)	84	3	1	1	5

Sien ook

Olimpiese Somerspele 1904 in St. Louis
Olimpiese Winterspele 1932 in Lake Placid
Olimpiese Somerspele 1932 in Los Angeles
Olimpiese Winterspele 1960 in Squaw Valley
Olimpiese Winterspele 1980 in Lake Placid
Olimpiese Somerspele 1984 in Los Angeles
Olimpiese Winterspele 2002 in Salt Lake City
Olimpiese Somerspele 2028 in Los Angeles

Verwysings

Bronne

Verdere leesstof

(en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.
(en) Bijkerk, Anthony T. (2004). "Pierre de Coubertin". In John E. Findling, Kimberly D. Pelle (red.). Encyclopedia of the Modern Olympic Movement. Greenwood Publishing Group. ISBN 0-313-32278-3. OCLC 52418065.
(de) Volker Kluge (2000). Olympische Sommerspiele. Die Chronik Teil 4. Seoul 1988 – Atlanta 1996. Berlin: Sportverlag. ISBN 3-328-00830-6.

Eksterne skakels

(en) Atlanta 1996 Olympic.org. Internasionale Olimpiese Komitee.
(en) Resultate en medaljewenners Olympic.org. Internasionale Olimpiese Komitee.
(en) Olympics 1984 to 2000

Olimpiese Spele

Olimpiese Somerspele: 1896 • 1900 • 1904 • 1906* • 1908 • 1912 • ~~1916~~ • 1920 • 1924 • 1928 • 1932 • 1936 • ~~1940~~ • ~~1944~~ • 1948 • 1952 • 1956 • 1960 • 1964 • 1968 • 1972 • 1976 • 1980 • 1984 • 1988 • 1992 • 1996 • 2000 • 2004 • 2008 • 2012 • 2016 • 2020 • 2024 • 2028 • 2032

Olimpiese Winterspele: 1924 • 1928 • 1932 • 1936 • ~~1940~~ • ~~1944~~ • 1948 • 1952 • 1956 • 1960 • 1964 • 1968 • 1972 • 1976 • 1980 • 1984 • 1988 • 1992 • 1994 • 1998 • 2002 • 2006 • 2010 • 2014 • 2018 • 2022 • 2026 • 2030
Internasionale Olimpiese Komitee – Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.

[1]

[2]

[3]

[4]

Search